Замын хөдөлгөөний аюулгүй байдлыг хангах үйл ажиллагааг улсын хэмжээнд нэгтгэн зохион байгуулж, хэрэгжүүлэх эрх бүхий байгууллага бөгөөд үндэсний зөвлөл нь Монгол Улсын Ерөнхий сайдаар ахлуулдаг. Уг зөвлөлд Монгол Улсын сайд, Нийслэл Улаанбаатар хотын авто замын түгжрэлийг бууруулах Үндэсний хорооны дарга, Хууль зүйн дотоод хэргийн сайд, Нийслэлийн Засаг дарга бөгөөд Улаанбаатар хотын захирагч, Барилга хот байгуулалтын дэд сайд, Боловсрол соёл шинжлэх ухааны дэд сайд, Эрүүл мэндийн дэд сайд, Цагдаагийн Ерөнхий Газрын дарга, Тээврийн цагдаагийн албаны дарга, Монголын Үндэсний олон нийтийн радио телевизийн захирал, Монголын автотээвэрчдийн нэгдсэн холбооны гүйцэтгэх захирал, Албан журмын даатгагчдын холбооны гүйцэтгэх захирал, мөн зөвлөлийн нарийн бичгийн даргаар Замын хөдөлгөөний аюулгүй байдлын үндэсний зөвлөлийн Ажлын албаны дарга гэсэн бүрэлдэхүүнтэйгээр 2023 оны 2 сарын 1-ны шинэчилсэн 38-р тогтоолоор баталсан. Уг зөвлөл нь улирал бүр 1-ээс доошгүй хуралдан гаргасан шийдвэрийг хэрэгжүүлэхтэй холбоотойгоор холбогдох байгууллагуудаас мэдээ мэдээлэл гаргуулан авч, тус жилд хэрэгжүүлэх хөтөлбөр төлөвлөгөөнд тусгагдсан зорилтод чиглэл өгч ажилладаг.